Sterk og stødig - trening for seniorarTreningsgruppe Sterk og stødigBli med på trening!Har du lyst til å bli sterkare i beina og betre balansen?Sterk og stødig er gruppetrening for seniorar, med hovudfokus på styrke i bein og balanse. Tilbodet er for heimebuande eldre som klarer seg godt i eigen heim utan særleg bistand frå kommunen, men som kan erfare ustøheit i enkelte situasjonar eller endringar i funksjon. Etter trening er det tid til ein kopp kaffe og prat. Det er ei treningsavgift på 200kr for semesteret for deltakarane. Ein må vere i stand til å gå utan hjelpemiddel innandørs og komme seg til trening sjølv. Treninga er leia av godkjend Sterk og stødig-instruktør. Les meir om Sterk og stødig på Aldring og helse sine heimesider. Bli med på treningsgruppe i Luster kommune I dag har me Sterk og stødig-treningsgrupper spredt utover store delar av Sogndal kommune og Luster kommune. Det vil bli starta nye grupper etter kvart, der det er interesse og behov. Ta kontakt om du har lyst til å bli med på trening eller om du ynskjer å få i gang ei treningsgruppe i ditt nærmiljøGaupneMåndag kl.10.30-11.30 på BedehusetHafsloMåndagar på Hafslo omsorgssenterGruppe 1. kl. 10.00-11.00Felles kaffipause kl 11.00-11.30 Gruppe 2. kl.11.30-12.30SolvornTorsdag kl.11.15-12.15, i gymsalen på skulenJostedalen Torsdag kl.11.00-12.00, i Jostedal SamfunnshusSkjolden Tysdag kl.11.00-12.00, i Fjordstova Bli med som instruktør Har du lyst til å bidra som frivillig?Me søker etter positive og engasjerte personar som ønskjer å bidra gjennom å vere frivillig instruktørar til treningsgrupper for seniorar.Treningsgruppene møtast ein gong per uke på dagtid, og instruktørane vil ha ansvar for ei gruppe kvar. Ein deler på ansvaret for gruppa saman med minst ein annan frivillig, slik at ein kan rullere på å ha timen om ein ynskjer. Potensielle instruktørar vil få opplæring i form av eit kurs over tre dagar. Som instruktør vil ein bli følgt opp av Sterk og stødig-rettleiar i kommunen, og ein blir del av fellesskapet av frivillige instruktørar. Treningsgruppene er eit ledd i satsinga på fallførebyggande arbeid blant heimebuande eldre i Sogndal kommune. Er det aktuelt for deg eller kjenner du nokon som kan passe til denne oppgåva? Ved interesse eller spørsmål kan du ta kontakt med oss i Frisklivssentralen via telefon eller e-post.KursTa kontakt med oss for info og påmelding til neste kurs: 95893641 / frisklivssentralen@sogndal.kommune.no Info om kurs på denne lenka.