Seniorkontakt

Eit uforpliktande lågterskeltilbod til seniorar i Luster kommune. Målet er at alle i Luster skal ha ein god alderdom der helse, tryggleik og trivsel er godt ivareteke. Kva det inneber vil vera ulikt for kvar og ein. Dette er eit helsefremjande og førebyggjande tilbod, der det blir lagt vekt på kva som er viktig for den enkelte. Tilbodet er gratis og personale har teieplikt.

Me tilbyr:

Førebyggjande helsesamtale
Ope for samtalar onsdagar kl.12.00 – 14.00 på Pyramiden i 2.etg.
Involverer ulike fagpersonar etter behov (tverrfagleg tilbod)

Ta kontakt med: Laila Haugsvær – seniorkontakt tlf. 948 27 126

Førebyggjande helsesamtale

Me legg opp til ein samtale med vekt på kva som er viktig for deg .

Du sjølv eller pårørande kan ta kontakt for ein samtale, eller andre faginstansar kan tilvise til tilbodet. Tilbodet gjeld alle seniorar i Luster kommune frå fylte 65 år.

Alle heimebuande som ikkje har omsorgstenester får tilbod om ein samtale det året dei fyller 78 år. Samtalen kan gjennomførast heime hos deg eller på Tenestekontoret i 2.etg. på Pyramiden i Gaupne.

Tema for samtalen er opp til deg. Aktuelle tema kan vere t.d. praktisk tilrettelegging av bustad, korleis hindra fallulukker og brann, eiga helse, ernæring, fysisk aktivitet, hjelpemiddel og velferdsteknologi, legemiddel, sosialt fellesskap, vald, psykisk helse, rus/alkohol, transportbehov m.m.

Me kan bidra med gode råd og nyttige opplysningar om kva som finns av ulike tilbod, kvar ein kan vende seg med aktuelle behov og kan formidla kontakt vidare til rette instans. Samtalen vert gjennomført av seniorkontakt.

Me har teieplikt.

Ope for samtalar onsdagar kl. 12.00 – 14.00 i 2.etg. på Pyramiden

Seniorkontakten finn du på Tenestekontoret i 2. etasje på Pyramiden.

Det er ope for samtalar onsdagar mellom kl. 12.00 og 14.00. Du kan ta kontakt pr. telefon også utanom denne tida.

Du kan komme utan timebestilling. Tilbodet er eit tillegg til anna helse- og omsorgsteneste og utfører ikkje oppgåver som tilhøyrer fastlegen eller heimetenesta.

Seniorkontakt

har oversikt over kommunen sine tenester og tilbod
kan orientere om bla. sosiale aktivitetar, treningstilbod
kan hjelpe til med å fylle ut eventuelle søknader og oppretta kontakt med samarbeidspartnarar i kommunen der det er aktuelt
gjev tilbod om oppfølgjande helsesamtale dersom det er ønskjeleg
tilbyr uforpliktande samtale/heimebesøk når du har behov for det. Til dømes:
- om du har mista partnar eller nokon i nær relasjon
- bur åleine, er einsam
- endra livssituasjon
- har slutta å delta i aktivitetar utanfor heimen
- ved utskriving frå sjukehus eller andre instansar
- du er pårørande til nokon med alvorleg sjukdom eller stort omsorgsbehov
- har behov for nokon å snakke med