Om postliste og innsyn

Postlista vert oppdatert kvar vekedag med to dagar utsetting. Sakene på postlista er tilgjengeleg i to år, med unntak av sakstypane byggesak og plansak som vil bli liggjande tilgjengeleg.

Du har tilgang til å søka etter saker, dokument og sakstypar (fagområde). Saksframlegg og vedtak i politiske saker finn du under Møteoversikt.

Under Høyringar finn du aktive og avslutta høyringar frå og med 2022. Sjå også saker under Kunngjeringar og høyringar.

Historiske saker og dokument

Kva finn du på postlista?

Kva finn du ikkje på postlista?

Innsynsrett

Du har rett til å krevje innsyn i offentlege dokument, journalar og liknande register. Alle saksdokument i kommunen er offentlege dersom det ikkje er gjort unnatak som er heimla i lov. Sjølv om eit dokument kan haldast unna offentleggjering, skal kommunen vurdere om dokumentet likevel bør kunne gjerast kjent heilt eller delvis (meirinnsyn). Eit dokument er ikkje berre papirbasert informasjon, men i prinsippet all informasjon som er lagra. Du har likevel berre innsyn i databasar dersom ein kan søkje opp informasjonen på ein enkel måte.

Du kan bli nekta innsyn i interne dokument, men som hovudregel skal du likevel få innsyn i:

Saksliste eller saksdokument til kommunestyre eller anna kommunalt folkevalt organ
Dokument til/frå kontrollutvalet eller klagenemnda i kommunen eller den kommunale revisjonen
Dokument til/frå einingar i administrasjonen som har sjølvstendig avgjerslemyndigheit for saka dokumentet gjeld

Offentleglova

Rettleiar til offentleglova

Korleis søkje innsyn i eit dokument?

Dersom du ønskjer innsyn i eit dokument kan du finne dokumentet i postlista, søke etter saker eller dokument og be om innsyn direkte gjennom eigen innsynsknapp.

Du kan også sende ein e-post til post@luster.kommune.no og be om innsyn i ei konkret sak eller dokument.

Handsamingstid
Kravet om innsyn skal avgjerast så raskt som mogleg. Det betyr vanlegvis same dag eller innan 1-3 virkedagar. Dersom du ikkje har fått svar innan 5 arbeidsdagar frå kommunen mottok kravet ditt, blir dette rekna som eit avslag.

Klage
Dersom du får avslag på kravet ditt om innsyn, skal kommunen vise til den regelen som er grunnlaget for avslaget. Kommunen skal også opplyse om høvet til å klage og klagefristen. Fylkesmannen er klageinstans, men klagen skal sendast til kommunen. Du har også klagerett dersom du ikkje har fått svar innan fem arbeidsdagar etter at kommunen har motteke kravet. Dette blir da rekna som eit avslag.

Pris
Kommunen kan krevje betalt for utskrifter, kopiar og utsending når sidetalet i ei sak er over 100. Då kan det krevjast ei krone pr. ark utover 100 og betaling for heile utsendinga, jf. offentlegforskrifta § 4.